Difference between HK & UK Supermarkets港英超市大不同

今日小編講吓英國人同香港人去超級市場買嘢嘅唔同。

首先呢~大家去超級市場買嘢一定帶啲咩呢？

香港政府增加左膠袋稅之後，香港人先開始帶環保袋去買嘢啦。

而係英國呢，其實英國人一早習慣帶環保袋。為咗減少去超級市場嘅次數，英國人通常會一次過買曬一星期嘅嘢。

如果你啱啱嚟到英國，又第一次去呢啲大型超級市場，相信你會好驚訝🙀。哈哈。

當你見到排隊嘅人推住擺滿嘢嘅手推車。譬如2支2.5公升嘅牛奶，5至10盒冰鮮嘅肉咁，小編之前都無試過買咁多。不過你放心，你好快就會慣架喇。

手推車有咩唔同？

英國嘅大手推車要你放左1鎊deposit先可以推走架手推車——手推車上面有一個放硬幣嘅位置，佢其實一個鎖黎嘅、當你將硬幣放入去，個鎖就會解開，俾你推走呢架手推車。

咁點樣可以拎返個硬幣呢？

每個手推車都會有一條繩連住一個扣，你要將呢個扣喺入硬幣嘅另一個方向放入去，咁你個硬幣就會退返出嚟，個手推車亦都會比前面嘅手推車扣返，咁就冇得用㗎啦。

但係香港嘅超級市場嘅手推車係任你推㗎嘛，除非你係要將手推車推返屋企（啲嘢太重嗰陣），咁你就需要放低一定嘅按金（小編冇記錯就係$100港幣），去這借超級市場嘅手推車喇。如果係咁計好似英國手推車抵好多，哈哈！

今次就分享到咁多先啦~ 下星期三同樣會出新post，記得關注我啦~

#Susiewoo #SusieEnglish #英國文化 #英文學習 #英式英文 #英國留學 #學英文 #中文翻譯 #係英國嘅香港人 #UKLIFE #英國移民 #英國居住 #uk #英國超級市場 #UKSupermarket