Online Shopping 網上購物

小編今日就講吓英國網上購物。係英國好多本地人都鍾意網上購物。

小編就覺得係英國網上購物同喺香港網上購物嘅方便程度有好大分別。

其實香港都有網上超市購物，百佳、惠康、HKTVmall都有嘅，但係佢哋嘅網站係比較簡陋，唔夠豐富產品種類又唔多，喺疫情驅使之下先至有好少少嘅效果。但係英國就係好多年前已經盛行網上購物，佢哋嘅網站都比較完善，產品分類仔細、產品介紹都好詳細。所以顧客嘅體驗係完全另一個層次。

大家都有聽過Amazon網上購物平台，佢真係好多嘢都可以喺Amazon上面買到架。衣、食、住、行樣樣野都有得買。而Amazon嘅價錢通常都會平d嘅。特別係啲折扣活動期間，佢嘅折扣真係非常吸引。譬如black Friday咁 ，Amazon都會有做一啲Black Friday Deals嘅折扣優惠。Amazon嘅送貨服務係幾完善嘅，通常都係送到你屋企門口。如果屋企冇人可以收貨都唔緊要，佢亦都會有一啲 Amazon Locker ，喺你俾錢嘅時候選擇Amazon locker，咁係你可以得閒嘅時候去locker度攞返件貨。呢個就同香港好多商場裏面都有locker，同順豐貨件自取嘅服務好似啦。

如果係英國你買咗產品之後唔啱心水，你可以非常簡單退貨嘅 ，退貨原因係有得揀唔喜歡，甚至係唔想透露。所以網上購物即使產品有咩問題你都可以好方便咁做到退貨或者更換產品。但係香港呢一方面就差少少，有啲平台嘅退貨申請唔太清晰，所以進行退貨申請嘅所需時間可能比較長。

而係送貨方面呢，英國都係好啲嘅。小編試過網上購物，第二日啲貨就送到啦，英國嘅送貨服務真係好快。小編亦都試過退貨，今日申請退貨，第二日就有送貨服務員上門取貨。但係香港就差dd啦，送貨一般都需要2至3個工作天。