點解係英國個個都揸車？Why do Brits drive？

香港實在真係地少人多，成日塞車，英國可以揸車嘅路就多好多喇，基本上乜嘢地方都去到。

所以係英國揸車嘅感覺同香港揸車真係好唔同，呵呵，點都揀係英國揸車啦。

冇得落街就買到嘢！

香港地方細，但係便利店、超級市場、士多等等嘅位置就好近大家住嘅地方。小編好懷念着住拖鞋就落街買嘢嘅日子。基本上日常生活用品都會買到。所以揸車就比較係大材小用左啲。但係英國地方大，雖然都我地都可以着住拖鞋出街買嘢，但係超級市場或者其他舖頭並唔一定係你屋企隔離或者附近（當然唔係十五分鐘嘅距離咁簡單），所以買車都係頭一二樣必須做嘅嘢。

香港嘅交通世界數一數二咁方便，梗有車站係左近，尤其是係巴士同地鐵，而且車費唔算貴，所以好多香港人都會揀搭逼地鐵，一黎時間快，二黎夠準時。但係係英國剩係得倫敦嘅交通比較方便，其他地方冇地鐵。如果你想去其他D城市嘅話，通常就係搭火車。係英國揸車又可以跨城市感覺就會好D。加上英國呢邊嘅人通常都係幾日或者一個星期會去超級市場買嘢，一次就會買晒成個禮拜用嘅嘢，所以揸車到超級市場買嘢就會方便啲又唔使用手攞。佢哋會揸車到超級市場外邊嘅停車場泊車，然後入超級市場購物。因為一般比較大型嘅超級市場都唔係喺住宅區附近，所以揸車到超級市場購物呢個情況係好普遍嘅。

另外唔知大家有冇聽過喺英國搭的士係比較貴，所以好多人都會選擇自己揸車。英國嘅的士同香港有少少唔同，前排座位係唔會比乘客坐。至於種類方面就同香港差唔多有的士、UBER咁。

英國交通貴

係英國呢邊都有幾多人以單車代步。因為英國呢邊除咗喺出面食嘢比香港貴之外，其實交通都一樣比較貴。所以喺市區裏邊用單車代步都不失為一個好嘅選擇。尤其是在某些地區，私家車係唔可以駛入嘅，但單車可以。通常禁止駛入嘅地區都會係一啲市中心區域，私家車駛入左會被罰款，所以諗住喺英國揸車嘅人士切記要留意有邊啲地方係會收費邊啲地方係禁區唔入得嘅。

小編遲啲會分享點樣係英國買車同埋有啲乜嘢要注意！記住留意嚟緊嘅post喇！

#點解係英國個個都揸車？#SusieEnglish #居英港人 #英國交通 #英國交通