What is life like in the UK? 英國嘅生活係點?

今次小編就講吓係英國生活同喺香港生活嘅節奏同舒適度上面有咩分別。

喺香港大家都知道生活係比較急促，好多時候你都會覺得好多人好壓迫。特別係返工放工嘅時間，不論你係搭車定係揸車你都會覺得特別麻煩，因為香地太細但係人同車呢就好多，所以成日會出現排長龍等車同埋塞車嘅情況。

而係英國呢生活就比較舒適，如果啱啱嚟到英國嘅你，你就會覺得英國嘅生活節奏係緩慢啲。係好多方面你都會見到係英國人係冇咁急躁嘅，呢一種現象應該同英國禮儀文化有好大嘅關係。

小編留意到係英國生活嘅另一啲情況。

如果你鄰居係啱啱搬來，通常大家就會同鄰居say hi傾吓計，會送入伙禮物比新鄰居，同鄰居打好關係，一般來講呢度嘅社區係比較和諧。喺英國你會留意到本地人其中一種交流方式是讚美，通常都會用讚美作為打開話題的方式 。讚美對方去令大家感覺再拉近一啲，呢一種行為亦都係英國禮儀文化嘅體現。

英國人比較鍾意散步，例如放假嘅時候佢哋會約朋友去公園，買杯飲品就可以同朋友一邊傾偈一邊散步，咁樣就係一日嘅約會或者一日嘅活動啦。英國嘅公園同埋草地比較多亦都比較大，所以真係比起喺香港去散步舒適得多。

小編亦留意到係買嘢嘅時候，英國嘅服務都係一對一嘅形式，如果你喺後面排隊嘅，你只可以耐心等待，你係唔會見到有人打尖或者行埋去打斷對方講嘢。相反如果你喺香港，就會見到呢啲可能比較係唔禮貌嘅情況，因為大家都比較急嘛，就會想快啲處理咗自己嘅事情先。如果你係啱啱嚟到英國就要特別留意呢一點啦～

今次就講到呢度先，記得留意下個星期嘅post啦。

#Susiewoo #SusieEnglish #英國文化 #英文學習 #英式英文 #英國留學 #學英文 #中文翻譯 #係英國嘅香港人 #UKLIFE #英國移民 #英國居住 #uk #英國禮儀 #英國排隊