Black Friday 黑色星期五

大家好，一年一度嘅黑色星期五好快就到啦，唔知大家係咪同小編一樣一聽到黑色星期五就會諗起13號嗰個禮拜，唔知會有啲咩衰嘢發生呢～

但係喺英國，對黑色星期五嘅印象呢就會好唔同啦，呢度每年11月嘅第四個禮拜五有一年一次嘅大特價，好多大品牌或者小鎮嘅舖頭仔都會有啲優惠。

據小編所知呢，關於黑色星期五嘅由來有好多種講法，其中一種就係因為耶穌係死於星期五，而係西方13呢個數字係唔吉利嘅，所以就叫做黑色星期五。

亦有一種講法，係由於呢一日係感恩節（11月第四個星期四）之後開業嘅第一日。再加上好多人通常會喺呢段時間開始去買好多聖誕節嘅物品，咁好多商舖就會出現比較高嘅盈利。而傳統記錄帳簿方面，通常紅色筆係記錄赤字，而黑色筆就係記錄盈利嘅。商家就會將呢個星期五叫做「黑色星期五」，用嚟代表商家期待嚟緊嘅年度收入，喺經過呢一日之後，由負轉為正，由紅字轉做黑字。

係英國，有啲商舖呢就會係黑色星期五嗰日先會特價嘅，但係有啲呢提早兩三個星期就開始啦。所以呢係11月初開始，就會好忙好興奮，搵吓自己用開嘅品牌有冇特價啦～行咗好耐想買嘅嘢有幾多discount，想買嘅嘢又有啲咩選擇呢～

咁精明嘅你哋一定唔唔會錯過Black Friday啦～

#Susiewoo #SusieEnglish #英國文化 #英文學習 #英式英文 #英國留學 #學英文 #中文翻譯 #係英國嘅香港人 #UKLIFE #英國移民 #英國居住 #uk #blackfriday #黑色星期五 #感恩節之後一日